Informazio gehiago
Aurreko urteetako edizioen arrakastaren ondoren, aurten ere “HAIMAR ZUBELDIA KLASIKOA 2025” zikloturista martxa antolatu du Zarauzko Zikloturista Elkarteak. Aurtengoan,2025ko maiatzaren 25an izango da Klasikoa.
Ibilbideak Gipuzkoako paraje eta bide zoragarri zenbaitetan barrena egingo du: Zarauztik abiatu, Urola bailaran eta Goierrin zehar ibili, eta Zarautzen bukatu.
Izen-ematea zabalik dago webgunean 2025eko urtarrilaren 10etik aurrera, gehienez 900 txirrindulariko parte-hartze mugarekin, beraz, egun horretan Haimarren ondoan eragin nahi badiezu pedalei, ez utzi izen-ematea gerorako.
Gainera, badago beste gogo-pizgarri bat ere: Martxoaren 30 baino lehen izena ematen duten zikloturista guztiek Etxeondoren maillota jasoko dute opari.
Haimar Zubeldia Klasikoaren eskutik ere, zure argazkiak doan deskargatu ditzakezu www.fotoscarreras.com webgunearen bitartez
Izen-ematea 47€koa da federatuentzat eta 62€koa federatu gabeentzat.
ZZEtik Klasiko eder honetan parte hartzera animatu nahi zaituztegu zikloturista guztiok, egun bereziaz festa giroan eta aldarte onean goza dezagun.
