Aurtengo proposamenak gure historia distiratsuaren maila bikaina du. 44 kilometroko ibilbidea osatu dugu: Baztango Irurita herritik Iruñea ondoan dagoen Atarrabiara, Abartan eta Saioa lotzen dituen gailurreria jarraituz Xuriain mendiaren gailurreraino -1.200 metroko desnibela-, eta Olaibar eta Esteribar bailarak bereizten dituen gailurreriatik igaro ondoren, Baratxueta, Alixeto eta Arromendi gailurrak gaindituz, Trinitatearen Erdi Aroko zubi erromatarretik Atarrabiara iristeko.
Ohikoa den moduan, “Ibilaldi erdiak” beste irteera bat edukiko du. Aurten Egozkueko Gainean egongo da bigarren irteera, ibilbidearen erdi-erdian (22. km-a). Oraingoan ere autobusak antolatu dira Andoain, Donostia, Irun eta tarteko udalerrietatik bi irteeretara joateko (eta etxera buelta egiteko, A-15etik). Nahi duenak bere ibilgailua Atarrabian utzi dezake eta antolatutako autobusak erabili Luzeko irteerera joateko.
Zeharkaldi historiko honetan parte hartzera animatzen zaituztegu, laurogei edizio urtez urte jarraian antolatu izana lorpen itzela delako eta edizio honekin omenaldia egin nahi diegulako Estatuko mendi-zeharkaldi zaharrena gaur egun ezagutzen dugun errealitate zoragarria izatea ahalbidetu duten antolakuntzako kide zein parte-hartzaile guztiei, laurogei bideren ondoren.