Más información
O Concello da Estrada, organizará coma todos os anos a X Milla San Silvestre Estradense. Debido a situación actual, este ano o formato será dunha carreira virtual, mantendo o carácter lúdico, non competitivo e solidario de todas as edicións anteriores. A recadación das inscricións destinarase á entidade Cáritas Parroquial A Estrada
A participación nesta proba está aberta a todos e todas as participantes que así o desexen, xa que a formalización da inscrición é similar ao dunha carreira convencional, pero coa descarga do teu dorsal na plataforma app de inscrición.
A X San Silvestre Estradense celébrase durante un período de tempo, no cal os participantes deberán completar a proba. Unha vez finalizado o percorrido pode compartir a distancia realizada, así como unha foto, disfrazado ou non, co dorsal, nas redes sociais de AEstradaDeporte (Instagram e Facebook). Cada participante quedará rexistrado na app ca distancia percorrida.
O prazo para completar a distancia da milla (1.609 m) será dende ás 00:00 horas do domingo día 27 de Decembro ata as 23:59 horas do mércores día 30 de decembro de 2020. Pasado o dito prazo non se poderán compartir resultados, aínda que a carreira se levase a cabo dentro do prazo establecido.