Más información
Circular da Dirección Deportiva de 20/02/2024
Convocatoria solicitude participación no Programa de Tecnificación e Rendemento FEGATRI para acudir a
COPAS CONTINENTAIS E DO MUNDO 2024
A Federación Galega de Tríatlon e Péntatlon Moderno dentro do programa de tecnificación e rendemento 2024, ten establecido o apoio a deportistas con licenza galega pertencentes a clubs galegos de interese federativo, que non adestren en centros oficiais de tecnificación ou alto rendemento fóra de Galicia, para a súa promoción deportiva nacional e internacional.
Conforme ao anterior e co gallo da celebración da Copa de Europa de Quarteira (Portugal), o próximo 22-23 de marzo de 2024, ábrese prazo de solicitude para acceder á colaboración anterior para deportistas que estén aceptados/as na lista de inscrición de dita Copa de Europa a través deste programa.
Condicións Programa Tecnificación- (Selección Galega Copa de Europa de Quarteira):
A FEGATRI asumirá os seguintes custes:
- Viaxe Pontevedra-Quarteira (ida e volta),
- Saída 22 de marzo e regreso 24 de marzo
- Manutención e Aloxamento 22 e 23 de marzo
O/A Deportista farase cargo dos seguintes custes a través da formalización da inscrición no programa para o evento de referencia:
- Desprazamento ata Pontevedra (ida e volta)
- Inscrición na proba e participación con tritraxe oficial
- Tritraxe oficial World Triathlon da FEGATRI
- Contacto: Adrián ( Responsable de menores)
- 646.609.171
- menores@fegatri.org
- Ultimo dia para solicitar o Tritraxe: 28/02/23
Formalización da solicitude a través da plataforma de inscricións para deportistas que non teñan o tritraxe da FEGATRI e desexen xestionalo 57,44 € a través de TPV. Deportistas que xa partipasen en probas internacionais representando á FEGATRI terán bonificado o 100%
O acceso a esta colaboración SERÁ INCOMPATIBLE coa solicitude e recepción de axudas para deportistas galegos/as para a súa participación en probas internacionais en 2023.
Coa inscrición e abono aceptanse as condicións de xestión e participaciónanteriores e non procede devolución.